LAOAG CITY – Kinumpirmaran ni PMaj. Chris Anthony Sorsano, hepe ti PNP-Banna nga adda iti impluwensya ti nasanger dagiti aguliteg a biktima ti desgrasya iti Brgy. Marcos iti nasao nga ili.
Kuna ni Sorsano a rumrumuar iti imbestigasyon da a napaspas ti taray ti motorsiklo a nagluganan dagiti biktima awan ti suot dagitoy nga helmet idi napasamak ti desgrasia.
Maipalagip nga immunan nga inpakaammo ni Sorsano a a bayat a dumaldalyasat dagiti biktima a nakamotorsiklo ti MIO i125, for registration ken agmaris ti yellow ken gray nga agpa-daya ket dita nga aksidente a nadungparda ti maysa nga heavy equipment driller a naka-parking iti nasao a kalsada.
Gapu iti daytoy, naipasirok dagiti aguliteg iti heavy equipment driller a nangitunda ti panagsagaba dagitoy ti nakana a sugat iti bagi kangrunaan iti ulo.
Inbagana ti hepe a dagus met a naitaray dagiti biktima iti kaasitgan nga ospital ngem agpada dagitoy a dead on arrival.
Kabayatanna, inlawlawag ni Sorsano nga adda ti reflectorize signals iti nakaparking nga heavy equipment.
Nu pay kasta, inadmitir na a saan a naiplastar daytoy a nasayaat isut gapu ta a saan a posible a saan a napakadaan dagiti biktima.
Innayun na nga adda metten ti koordinasyon na kadagiti kontraktor iti matartaraminaan a kalsada tapno saanen a maulit ti kapada nga aksidente.
Inpakaammo na a maimbestigar pay a naimbag ti pasamak nu adda ti posibilidad a pagsungbatan ti contractor iti napasamak.
Nagpalagip met ti hepe a saan nga agmaneho nu adda iti impluwensya ti nasanger tapno maliklikan ti desgrasya.
