LAOAG CITY – Kinumpirmaran ni Police Supt. Reynante Baltazar, ti chief of police iti Batac City a manmanu laengen dagiti makitkita da nga agwarang-warang kangrunaan na dagiti agtutubo iti dis-oras ti rabii kadagitoy a panawen.
Kuna na a saan a kas iti kallabes nga ado dagiti matiltiliwan da a menor de edad nga agwarang-warang iti rabii.
Kabayatanna, inbatad ni Baltazar a nagkiddaw ti mausar a citation ticket nga ipaay da para kadagiti matiliwan da nga aglabsing iti curfew hour, aggiinom iti igid ti kalsada ken dagiti ubbing nga adda iti computeran iti rabrabii.
Mainaig ti daytoy, inlawlawag na a dagiti makita da a nakatakder laeng iti ruwar ti balay da ken awan ti ar-aramiden na a madi iti disoras ti rabii ket saan da nga ikkan ti ticket no di ket pagawiden da laeng.
