LAOAG CITY – Inlawlawag ni Mayor Michael Marcos Keon a palso a damag ti agwarwaras a maipan iti babaen ti Enhanced Community Quarantine (ECQ) ditoy ciudad ti Laoag.
Inrakurak daytoy ti mayor kalpasan a makaw-awat ti opisina na ti report ken nagwaras iti social media a maipan iti babaen ti ECQ ti ciudad ti Laoag gapo iti agtultuloy a panagngato ti kaso ti covid-19.
Iti agdama, ti ciudad ti Laoag ket adda iti babaen ti Modified Enhanced Community Quarantine (MECQ).
Malaksid iti daytoy, kuna ti mayor a manarimaan ti pannakitransaksyon da iti tripartite agreement iti biang ti LGU, DOH ken manufacturer iti a Johnson & Johnson para iti bakuna.
Nupay kasta, inbatad na a saan da pay nga ammo no kaano ti isasangpet ti bakuna.
