LAOAG CITY – Inalay-ayan dagiti agpapaay ti Mariano Marcos Memorial Hospital and Medical Center iti ciudad ti Batac ti agwarwaras a damag panggep ti kaadda ti maysa nga ubing a pasyente a pimmusay gapu iti sakit a meningococcemia.
Segun kadagiti nakasarsarita ti Bombo Radyo, agpayso nga adda pasyente da nga ubing ken pimmusay ngem saan a meningococcemia ti inpatay na.
Gapu na, kiniddaw da ti saan a koma pannakaalarma dagiti umili gapu ta saan a makaakar a sakit ti inpatay ti ubing a pimmusay.
Kabayatan na, imbatad ni Dr. Allan Taylan a ti sakit a meningococcemia ket maysa a communicable disease, maysa a bacteria, airbrone a mabalin a maiyakar iti tao.
Kuna na a maala daytoy babaen iti pannakaiyakar na kas iti panaguyek ken panagpanateng isu a maibalbalakad iti panagsuar ti maskara dagiti agbisita iti hospital.
Innayon na a dagiti makarikrina iti panagsakit ti ulo gapu ta ti kalob ti utek ti kangrunaan nga apektaran ti bacteria ket nalalaing nga agpataming da iti hospital tapno insigida a maagasan
