LAOAG CITY – Maibilang a peke a damag ti maiwarwaras iti social media mainaig kadagiti lugar a maipagarop a nainayun a naipan iti babaen iti Alert Level 3.
Daytoy ti inbatad iti Bombo Radyo Laoag ni Mr. Jhey-ar Mangati, Health Education and Promotions Officer iti Mariano Marcos Memorial Hospital and Medical Center (MMMH&MC) iti ciudad ti Batac.
Basar iti agwarwaras a damag iti social media kangrunaan na iti facebook ket karaman ditoy Ilocos Norte a naipan iti alert level 3.
Gapu iti daytoy, inbalakad ni Mangati a saan koma a basta mamati kadagiti maipopost iti social media a mabalin a pakaalarmaan ti publiko.
