LAOAG CITY – Nakikoordinar ni Ai-Ai delas Alas iti Cabinet Files gapu ta nakadanon kenkuana ti damag a naimbitaran isuna iti Bakery Fair 2025.
Ti Bakery Fair ket ti annual event ti Filipino-Chinese Bakery Association Inc. (FCBAI) a maiyuswat iti World Trade Center Manila manipud inton Marso 6 agingga Marso 8.
Gagem ti Bakery Fair 2025 nga ad-adda a padur-asen ti baking industry ditoy Pilipinas.
Inbatad ni Ai-Ai, saanna pay a naawat ti imbitasion manipud iti Filipino-Chinese Bakery Association Inc. isu a nakigtot daytoy a naimbitaran isuna.
Nagsubli ti Comedy Queen idiay Estados Unidos idi Pebrero 14, 2025.
Inlawlawag ni Ai-Ai nga awan ti naawatna nga imbitasion isu a saan pay a sigurado nga agatendar daytoy iti Bakery Fair 2025.
