LAOAG CITY – Nagbalin a narigat para ken ni Aira Villegas ti napasaranna sakbay a nagun-odna ti arapaapna a makisalip iti Olympic Games.
Agtutubo iti Tacloban City ni Villegas no sadinno nagun-odna ti tiket nga agturong iti Paris babaen ti panangabakna ken ni Zlatislava Chukanova ti Bulgaria babaen ti unanimous 5-0 decision iti women’s 50kg ti 1st Boxing World Olympic Qualification Tournament idiay Italy idi napan a bulan ti Marso.
Saan a nalaka ti nagbalin a kapadasan ti agtawen 28 a Villegas iti Olympics, idi napan a tawen masapul a maliwayan ti southpaw ti 2023 Southeast Asian Games.
Daytoy ket gapu iti hamstring injury-na iti maysa a kompetision no sadinno a nagleppas isuna iti bronze medal idi 2019.
Nagtultuloy ti panag-absorb-na kalpasan a nakilaban kontra ken ni Yesugen Oyuntsetseg ti Mongolia iti women’s 50kg round.
Kabayatanna, ti nangparegta kenkuana nga agtultuloy ket ti suporta ti pamiliana ken dagiti coaches, ken ti Association of Boxing Alliances in the Philippines.
