LAOAG CITY – Inrubuat ti startup nga Hippos ti kaunaan nga AI-powered knee airbag a gagem a maliklikan ti pannakasagaba ti sugat iti tumeng dagiti atleta kas ti ACL ken MCL injuries.
Daytoy a teknolohia a maysa nga high-tech a “knee sleeve” ket agus-usar ti sensors tapno alisto a maammoan ti pangta ken ag-inflate iti uneg laeng ti 30 milliseconds.
Inbatad ni Kylin Shaw, co-founder ti Hippos, ti personal a kapadasanna iti nakana a sugat iti tumengna ti nangiduron kenkuana nga agpartuat ti solusion para iti daytoy a mabalin a mangisalakan kadagiti atleta manipud iti dakkel a magastos ken nabayag a recovery period.
Nakaawaten ti startup ti $642,000 funding manipud kadagiti investors ken adda dagiti balligi a trial kadua dagiti atleta ken football clubs idiay United Kingdom.
Nupay kasta, nakaawat ti kritisismo ti business model-da, ti device ket mailako iti balor a $129 ngem adda ti binulanna a subscription fee a dumanon iti $29 agingga iti $99.
Manamnama a pormal daytoy a mairubuat inton Marso 2025.
