LAOAG CITY – Inlawlawag ni Dr. Alan Taylan nga imposible nga adda ti food pill, tablet wenno agas a mangkissay iti panagbisin ti maysa a tao.
Segun kenni Taylan, awan ti ammo na a kastoy a klase ti tablet a no inumen ket mabalin a saanen a mangan iti makalawas.
Nupay kasta, kunana a no ti balligi a madevelop a kastoy a food pill ket ado dagiti mabenipisyaran ngem masapol a maadal a nalaing.
Mainaig iti daytoy, immanamong met ni Dr. Taylan iti komento nga arig na ket insulto kadagiti marigrigat ti kastoy ken imbes a daytoy ti tutukan ken ti kuma pannakaipasigurado ti food security ti mapaigetan.
Ummuna iti daytoy, kalikagom ni Sagip party-list Representative Rodante Marcoleta nga adda ti maimbento a food pill a maited kadagiti marigrigat tapno saan nga agbisin ken uray saan da a mangan iti sumagmamano nga aldaw wneno bulan ket saan da a matay.
