LAOAG CITY – Inpakaammo ti National Integrated Research Program on Medicinal Plants (NIRPROMP) ti University of the Philippines Manila a napaneknekan nga epektibo ti mula nga “Akapulko” nga us-usaren dagiti albularios kadagiti sakit ti kudil.
Inwaragawag ti nadakamat a research group a nakaaramidda ti herbal lotion kontra iti skin fungal infection babaen ti panagusar iti mula nga Akapulco.
Segun ken ni Institute of Herbal Medicine – National Institute of Health Director Dr. Cecilia Maramba-Lazarte a solution ti nasao a lotion kas alternatibo iti panagusar iti Azole nga epektibo a pangagas iti impeksion ti kudil.
Kabayatanna, ti Akapulko ket naglaon kadagiti phytochemical, a mairaman ti chrysophanic acid ken anthraquinones, a mangipakpakita ti napigsa nga antifungal a kontra iti Epidermophyton, Microsporum, Trichophyton, ken Penicillium.
