LAOAG CITY – Saan a pimmabor ni Akbayan Party-list Representative Chel Diokno iti nailungalong a P7.2 trillion budget para iti tawen 2027.
Karaman ni Chel Diokno kadagiti 13 nga agpanpanday linteg iti Kamara de representantes a saan a pimmabor iti pannakaaprubar iti nailungalong nga House General Appropriations Bill a P7.2-trillion a national budget para iti tawen 2027.
Segun ken ni Diokno, imbes a maikabil dagiti ginasot a billion a pisos kadagiti proyekto para kadagiti imprastraktura, masapol nga iprayoridad ti gobierno ti edukasion, salun-at ken dagiti dadduma pay a serbisio para iti pagnam-ayan ti publiko.
Kunana a saan a nasken nga irason ti gobierno ti kinakurang ti pondo tapno iwalin dagiti kasapulan dagiti pagadalan, ubbing ken agas dagiti pamilia kabayatan a dakkel a porsion iti nasao a pondo ket mapmapan kadagiti proyekto a saan a dumaldalan iti naan-anay a pannakatingiting.
Kabayatanna, kalpasan ti pannakaaprubar ti nasao a budget iti Kamara de representantes ket dumalan pay daytoy iti Bicameral Conference Committee, no sadinno a pagmaaysaen da ti bersion ti dua a pagpandayan linteg iti kongreso.
