Linuktan ti Land Transportation Office (LTO) ti “Aksyon on the Spot” hotline kontra kadagiti online scammers ken abusado a motorista.
Iti baet ti panagadu dagiti online scams, nangirugi ti ahensia iti kasta a hotline a pakaireportan dagiti reklamo a pakairamanan dagiti phishing scams dagiti cybercriminals nga agpammarang iti ahensia babaen ti panangipatulodda kadagiti peke a panaglabsing iti trapiko.
Segun kenni Land Transportation Office chief ASec. Atty. Vigor Mendoza, gagem ti pannakairuar ti hotline ket tapno masigurado ti dagus a sungbat ti gobyerno kontra kadagiti aglabsing a motorista tapno masigurado ti kinatalged dagiti amin nga agus-usar iti kalsada.
Sakupen pay ti Land Transportation Office ti Aksyon on the Spot stickers kadagiti motorista, nangruna kadagiti agpabaro iti rehistrasion ti lisensia ti luganda.
Kinunana a ti panggep daytoy ket tapno mausar ti hotline feature nga addaan iti QR code a mangted iti access kadagiti agreklamo a pormal a mangipila iti reklamo.
Kabayatanna, kinuna pay ti hepe iti Land Transportation Office a makiuman da kadagiti dadduma nga ahensia ti pannakabagi ti linteg tapno mapatibker ti implementasionna kasta met dagiti addang a maaramid kadagiti reklamo a maawat manipud iti nadakamat a hotline.
