LAOAG CITY – Saan a matuloy inton bigat ti nakaiskedyul nga Iloka loka na Parade ti gobyerno probinsiyal.
Kinumpirmaran daytoy ni Mr. Ian Ray Raquel, Prov’l Tourism Officer.
Segun ken ni Raquel, idi kalman a dinisidir da a saan a matuloy datytoy gapu iti agdama a dakes a panawen gapu ken ni Bagyo a Rosita.
Kuna na a “tentative” nga iskedyul na ket inton lunes Nov. 5.
Inlawlawag na a babaen iti daytoy ket makapagsana a naimbag dagiti makipartisipar iti nasao a parada.
Innayon na a ti nasao a parada ket pakaipartisipar dagiti nadumaduma nga organisasyon iti benneg ti publiko ken pribado a sektor ken ita a tawen ket adda ti street dancing na.
Ti Ilocana locana Parade ket paset ti Semana Ar-aria ti a programa ti gobyerno probinsiyal tunggal madanon ti pannakalagip dagiti minatay.
Kabayatan na, inbatad ni Raquel nga agdepende ti panawen kadagiti sabsabali nga aktibidad ti Semana ti Ar Aria kas iti tumba iti ili ti Paoay no matuloy wenno saan.
