LAOAG CITY – Inarakup ti agtawen ti 29 nga aktibista iti aglawlaw a ni Faith Patricia Ariokot ti maysa a kayo iti las-ud ti 16 nga oras ken innem a segundo.
Gapu iti daytoy, isu ti kaunaan a record holder nga agtagikua ti titulo a “Longest Time to Hug a Tree.”
Inaramid daytoy ni Ariokot tapno maitandudo ti awareness a kasapulan a salakniban dagiti kayo. Ginutigotna pay ti tunggal maysa nga agmula iti ad-adu a kayo iti aglawlaw.
Saan a nalaka para ken ni Ariokot a nagun-od daytoy a rekord ti lubong. Iti umuna ken maikadua a gandatna, napaay gapu ta naburak ti inusarna a kamera ken saan a nairekord ti record attempt-na.
Maysa pay, saan a mabalin nga ag-breaktime ni Ariokot ken saan a makatugaw bayat ti panangarakupna iti kayo.
Kalpasan a naawatna ti sertipiko manipud iti Guinness, namnamaen ni Ariokot a makainspirar iti adu a tattao nga agmula kadagiti kayo.
