LAOAG CITY – Nangipila metten ti aktor a ni Dominic Roque iti kaso cyber libel kontra ken ni Cristy Fermin iti Office of the City Prosecutor idiay Pasay City.
Daytoy ket kalpasan dagiti malicious statements ken comments ni Fermin iti channel-na.
Iti biang ni Fermin, kinunana nga adda karbengan ti aktor a mangidarum isu nga urayenna laengen ti subpoena.
Kinunana pay a saan pay a nangrugi ti kaso nga immun-una nga inpila ti dati a nobia ni Dom a ni Bea Alonzo ken saan pay a nakaawat ni Fermin iti subpoena.
Maipalagip nga idi rugrugi ti Mayo, nangipila ti aktres iti isu met laeng a kaso kontra ken ni Fermin, agraman ni Ogie Diaz ken dagiti padada a host kadagiti online program-da.
Basar iti complaint affidavit ni Bea, isuna ket biktima ti palso nga inpormasyon, malicious ken makadadael nga impormasion manipud iti maysa nga indibidual a nagpammarang a nasinged kenkuana a naipablaak ken napagsasaritaan kadagiti online shows da Fermin ken Diaz nga awan ti aniaman a nakaibasaranna.
