LAOAG CITY – Natiliw ti wanted person a sumangsango ti kaso nga Illegal Recruitment iti ili ti Burgos.
Nagbinnulig ti PNP Burgos nga indadauloan ni Police Major Christian Felix, kadua da dagiti pannakabagi ti Provincial Intelligence Unit, Ilocos Norte Police Provincial Office ken TMRU CLUSTER 1 tapno iserbi da ti warrant of arrest a napetsaan idi Marso 30, 2004 kontra ti lalaki nga agtawen ti 53, naasawaan, awanan trabaho ken residente iti Brgy. Buduan iti nasao nga ili.
Nairekomendar ti 12 a ribo a pisos a piyansa ti akusado para iti temporaryo a pannakawaya-waya daytoy.
Naiyuswat ti operasyon babaen ti panangsurot da ti mandato ti PNP a panagusar ti body worn camera ken alternatibo a recording device bayat ti pannakaiserbi ti warrant.
