LAOAG CITY – Manamnama nga ipadeport ti Bureau of Immigration (BI) dagiti maibilang nga ‘Alabang Boys’ a natiliw gapu iti mapapati nga illegal aliens da.
Segun kenni Bureau of Immigration Commissioner Joel Anthony Viado, walo nga illegal aliens a pakairamanan ti innem a Chinese, maysa a Vietnamese, ken maysa a Chinese woman, ti naarestar iti operasion iti Ayala Alabang Village idi Oktubre 22.
Iti pannakitinnulong ti Department of Justice (DOJ) ken ti National Bureau of Investigation (NBI), nabigbig dagiti target babaen ti tulong dagiti opisial ti homeowner association.
Naduktalan pay nga awan ti mainaig a dokumento da iti oanagbiyahe da ditoy pagilyan, dua ti naduktalan nga overstaying, ken maysa ti masuspetsa nga illegal entrant.
Innayon ni Viado a nakumpiskar met kadagiti suspek dagiti items mainaig iti online scamming.
Kinunana nga adda umdas a rason ti Bureau of Immigration a mangipila ti kaso kontra kadakuada iti deportation, ken maibilangda a “undesirables” apaman a malpas dagiti kaso.
