LAOAG CITY – Kalikagum ti Philippine National Volleyball Federation a pagtalinaeden pay laeng dagiti umaayam ti Alas Pilipinas.
Kagiddan daytoy iti pananggun-odda ti bronze medal iti kaliplippas nga AVC Challenge Cup kontra iti Australia.
Segun ken ni PNVF President Ramon “Tats” Suzara, malaksid iti panagtalinaed nga intact ti nasao a koponan ken mangnayunda pay ti umaayam.
Karaman kadagiti inayunda ket isuda Bella Belen, Alyssa Solomon ken Casiey Dongallo.
Mamati daytoy nga inton sumaruno a tawen a panagsabakda iti Southeast Asian Games ket agbalinen a napigsa ti koponan.
Maiyuswat ti SEA Games idiay Thailand inton sumaruno a tawen.
