LAOAG CITY – Napaay ti Womens Volleyball team ti pagilian nga Alas Pilipinas iti ima ti Kazakhstan iti semifinals-da ti 2024 AVC Challenge Cup.
Nagun-od ti Kazakhstan ti iskor a 25-23, 25-21, 25-14 iti ay-ayam a naisayangkat iti Rizal Memorial Coliseum.
Daytoy ti umuna a pannakaabak ti Alas Pilipinas iti uppat a nagsasaruno a panangabak iti Pool A.
Indauloan ni Team captain Sana Anarkulova ti Kazakhstan a nakairekord ti 19 points idinto ni Svetlana Nikolayeva ket addaan ti 11 points.
Gapu iti pannakaabak, adda pay ti tsansa ti Alas Pilipinas para iti third runner-ups kontra iti Australia idinto ti Kazakhstan ket makasangona ti Vietnam para iti gold medal match.
Nupay man naabak ket kualipikado pay laeng ti Alas Pilipinas iti FIVB Challenger Cup inton bulan ti Hulio a ti host ket ti pagilian.
