LAOAG CITY – Agtalinaed a coach ti Alas Piipinas Women ni Jorge de Brito.
Basar iti Philippine National Volleyball Federation a ti Brazilian head coach ti women’s national volleyball team ket agtalinaed agingga iti Southeast Asian (SEA) Games inton Disiembre ti sumaruno a tawen.
Kuna pay ni Philippine National Volleyball Federation President Tats Suzara a naaddaan ti nauneg a konsultasion ken panagadal sakbayda a nangiruar ti desision.
Maipalagip a nakairekord ti pakasaritaan a bronze medal ti Alas Pilipinas Women iti 2024 AVC Challenge Cup kalpasan ti 63 a tawen a panagabante ti pagilian a makagun-od ti medalya iti volleyball competition.
