LAOAG CITY – Sinungbatan ti Malakanyang ti alegasion a ‘selective justice’ kalpasan a pinalubosan ti Sandiganbayan Third Division ti petision ni Senador Ramon ‘Bong’ Revilla Jr. tapno agpyansa para iti temporario a pannakawaya-wayana.
Daytoy ket sumangsango iti kaso a malversation a saan a kasapulan nga agpyansa, mainaig ti maipagarup a ghost project nga agbalor ti P92.8M iti Pandi, Bulacan.
Kuna ni Presidential Communications Office Undersecretary ken Palace Press Officer Claire Castro iti press briefing iti Malakanyang a ti ruling ket iti babaen ti independent court ken saan a ni Presidente Ferdinand Marcos Jr.
Inbasurana pay ti rakurak a naipaayan ti special treatment ti administrasion ni Revill gapu ta naibilang daytoy a kaalyado ti Presidente.
