LAOAG CITY – Ninigar ni Brgy. Chairman George Ragonjan iti Brgy. Caruan iti ili ti Pasuquin ti alegasyon kenkuana a maipagarup a nagdawat ti kwarta manipod kadagiti benepisyaryo ti TUPAD a kabarangayanna.
Segun ken ni Ragonjan, 13 a benepisyaryo laeng ti TUPAD ti adda iti payroll nu sadino a 5,300 a pisos ti maawat ti tunggal maysa kadagitoy.
Nu pay kasta, inpakaamo na nga adda pay ti pito a nakipaset iti TUPAD ngem saan da a karaman iti payroll.
Gapu iti daytoy, kuna na a ti naawat dagiti lima nga immunan a naikkan ti 5,300 a pisos ket naummong pay laeng bayat a maiyur-uray ti pannakawaat met dagiti nabatbati a walo.
Inbunnanag na a kalpasan a maaawat amin dagiti 13 a benepisyaryo ti kwarta ket daytoy ti mabingay a paggugudwaan da pakairamanan dagiti pito a saan a nairaman iti payroll kas maibasar iti napagtutulagan dagitoy.
Mainaig iti daytoy, inpetteng ni Ragonjan a ti 300 a pisos ket saan na a dinawat ngem ketdi bale daytoy dagiti benepisyaryo.
