LAOAG CITY – Nasapa a panagpol-politika ken irresponsable a pangngeddeng.
Daytoy ti nagbalin a reaksyon ni Atty. Joseph Cadiz, legal counsel ni Governor Imee Marcos seknan iti alegasyon ni Ilocos Norte 1st District Rep. Rudy Fariñas a saan nga umiso ti nakausaran ti pondo manipod iti RA 7171 nga umabot ti 65 a milyon a pisos.
Ti nasao a pondo ket naigatang kadagiti sumagmamano a behikulo iti gobierno probinsyal.
Inbatad ni Cadiz a nasurot iti umiso a proseso iti pannakagatang dagiti behikulo kas kadagiti mini bus, dump truck, multicab ken dadduma pay.
Kabayatanna, inpetteng ni Sangguniang Panlalawigan Member Vicentito Lazo a ti misuse of fund ket saan a maibilang a korapsyon.
Inlawlawag na a dagiti nasao a behikulo ket mausar dagiti ado a residente ditoy probinsya.
Mainaig iti daytoy, inpasingked ni Mr. Jun Arvin Gudoy iti Communications and Media Office iti kapitolyo a nakasagana ti gobierno probinsyal nga agsungbat iti nasao nga isyu.
