LAOAG CITY – Addan idiay Japan ni Pinay tennis star Alex Eala para iti pannakipaset na iti 20th Asian Games.
Sinarabo daytoy dagiti delegasyon ti pagilian iti panangidaaulo ni Philippine Olympic Committee President Abraham Tolentino.
Segun iti agtawen ti 21 a ni Eala, pakaidayawan na ti agbalin a mangibagi ti Pilipinas para iti Asian Games.
Ti ranked number 18 a ni Eala ket nakagun-od ti first round bye kas top-seed ti women’s single tennis event.
Makasango na ti siasinno man a mangabak iti nagbaetan da Patcharin Cheapchandej ti Thailand ken Qureshi Mahin Aftab ti Pakistan.
Malaksid iti women’s single ket agay-ayam pay ti doubles a makadwa na ni Shaira Rivera ti University of Alabama no sadinno a makasango da met da Kallista Liu ken Ching Laam La ti Hong Kong.
