LAOAG CITY – Ikarigatan ni Pinay tennis star Alex Eala ti makasubbot kadagiti pannakaabak na kadagiti naglabas a torneo a nakipasetan na.
Naikeddeng ti pannakailaban ni Eala iti Ningho Open iti China iti sumaruno a lawas.
Iti tallo a naglabas a torneo ni Eala ket awan ti nangabakan na karaman ti upset a pannakaabak na ken ni unseeded Russian Tatiana Prozorova iti Roun of 16 ti Singapore Open.
Ti Wuhan Open ti kaudian a WTA 1000 event ita a season a nakisalipan ni Eala kalpasan ti panagsubli na iti torneo.
Maipalagip a saan a nakipaset ni Eala iti China Open kalpasan nga inrepresentar na ti pagilian iti kalepleppas nga Asian Games.
Kalpasan ti Ningho, ti World number 19 ket lumaban pay iti Toray Pan Pacific Open iti Tokyo, Japan a maysa a WTA 500 event a maisayangkat intono Oktubre 26 agingga iti Nobyembre 1.
Manamnama pay ti panagturong ni Eala iti Hong Kong para iti WTA 250 tournament manipod Nobyembre 2 agingga iti 8 a kaudian a pakipasetan na a torneo ita a 2026.
