LAOAG CITY – Nakastreken iti baro a round ni Alex Eala kalpasan nga inabak na ni Austrian Julia Grabher, iti iskor a 6-4, 6-3, iti panaglukar ti clay season iti Upper Austria Linz Open.
Iti umuna a set, inpakita ti tennis star ti determinasyon na a makibalubal iti home favorite sakbay a naan-anay a nakabreak na ti maika-10 nga ay-ayam tapno magun-od ti set.
Iti maikadwa a set, alisto a nakabukel ti 4-1 a lamang kalpasan a nagkamali iti panag-serve ni Grabher iti maikapat a game.
Ni Grabher, a ranked No. 89, ket addaan ti 43 spots a nababbaba ngem ni Eala, iti babaen ti panangpatalinaed ti serve na iti maikanem nga ay-ayam ken panangisubli ti break iti maika-pito a game, kababaan ditoy ti lamang ni Eala iti 4-3.
Nupay kasta, alisto a nakasubli ni Eala, nakabreak iti maika-walo a game ken inleppas na ti laban iti maikasiyam nga ay-ayam.
Daytoy ti kaunaan a panangabak ni Eala iti clay court ita a season ken agsagsagana iti maysa a dakkel a rematch kontra ken ni Grand Slam champion ken fourth seed Jelena Ostapenko, a nakaawat ti opening-round bye.
