LAOAG CITY – Nagsubli iti panagensayo ni Alex Eala tapno saganaan ti naig-iget a laban a sangwen na iti Stuttgart Open a mangrugi intono bigat, Abril 13 agingga iti Abril 19 iti Porsche Arena idiay Stuttgart, Germany.
Kagapgapu laeng Eala iti pannakaabak na iti kampanya iti Linz Open no sadinno a nakapasar ti 4-6, 5-7 a pannakaapay iti ima ni 2017 French Open champion Jelena Ostapenko ti Latvia iti second round.
Madominar koman ni Eala ti agpada a sets no sadinno a nakairekord ti 4-2 a lamang iti first set ken 5-1 a bentahe iti second set.
Nupay kasta, adda ti sumagmamano nga errors a naaramidan na agingga a saan nan a nasabayan ti intensidad ni Ostapenko.
Adda iti main draw ni Eala iti Stuttgart Open kalpasan a nag-withdraw ni Qinwen Zheng ti China gapu iti sagsagabaen na nga injury.
Karaman dagiti dadakkel a players nga agay-ayam iti Stuttgart Open ket ni World No. 1 Aryna Sabalenka ti Belarus ken reigning French Open champion Coco Gauff ti Amerika.
