LAOAG CITY – Nakaaramid manen ti pakasaritaan ni Pinay Tennis Star Alex Eala kas Southeast Asian player nga addaan ti kangatoan a world ranking iti pakasaritaan.
Ngimmato ni Eala iti baro a career-high No. 18 iti inparuk-at ti a listaan ti Women’s Tennis Association.
Nanayunan ti dua a puntos manipod iti dati a pwesto ni Eala a No. 20.
Iti pakabuklan ket addan ti 2,281 a puntos ni Eala.
Dakkel a tulong ti panagkampeon ni Eala iti Mubadala DC Open ken ti pannakadanun na iti third round ti Cincinnati Open iti napalabas a lawas.
Naartapan ni Eala ti dati a kangatoan a puwesto a nagun-od da Yayuk Basuki ti Indonesia ken Tamarine Tanasugarn ti Thailand.
