LAOAG CITY – Sumango iti dakkel a karit ni Pinay tenns sensation Alex Eala iti labanna iti Australian Open qualifiers.
Daytoy ket kalpasan a makalabanna ni Jana Fett ti Croatia iti opening round iti alas siyete ti bigat inton aldaw ti Martes, oras ditoy Pilipinas.
Ti agtawen iti 28 a Croatian tennis star ket ranked number 27.
Agbalin a naiget ti nasao a laban gapu iti three-round qualifying phase laeng daytoy a pakipasetan dagiti 128 nga umaayam.
Naammoan a no agballigi isuna, makalabanna iti sumaruno a round ti asinoman a mangabak iti nagbaetan da Victoria Hrunkacova ti Slovakia ken Sinja Kraus ti Austria.
Adda iti maika-147 a ranked ti Women’s Tennis Association ni Eala idinto a ni Fett ket maika-136.
