LAOAG CITY – Nakastreken iti Round of 32 ti Miami Open ni Filipina tennis ace Alex Eala.
Daytoy ket kalpasan nga inabakna ni Jelena Ostapenkko ti Latvia iti iskor a 7-6(2), 7-5.
Daytoy ket dakkel a balligi para ken ni Eala nga adda iti ranked number 140 ti WTA gapu ta inabakna ti WTA number 25 ken 2017 French Open Champion.
Sumaruno a makasangona ti asinoman a mangabak iti nagbaetan ni WTA number 5 Madison Keys ti Estados Unidos ken Elina Avanesyan ti Armenia.
