LAOAG CITY – Saan a kumpleto ti biahe dagiti turista idiay Taiwan no saan nga agpatayab ti sky lantern iti Pingxi Station nga adda ti nakasurat a wish.
Daytoy ti inaramid ti agasawa nga isuda Mikee Morada ken Alex Gonzaga idi nagpasiarda idiay Taiwan.
Nag-post ni Alex iti panangpatayabda ti lantern a nakasurat ti ‘Healthy babies for me and Mikee’
Gapu iti daytoy, adu ti naki-wish a mangnamnama a matungpal ti arapaap ti agasawa.
Kuna ni Alex saannan nga ipres-pressure ti bagina nga agsikog ken iyurayda laengen nga agasawa ti agbalin a first baby-da.
