LAOAG CITY – Nag-plead ti not guilty ni dismissed Bamban, Tarclac Mayor Alice Guo iti kaso a graft iti Valenzuela Regional Trial Court (RTC) babaen ti videoconference.
Maipalagip nga immunan a naipila ti korte ti Tarlac ti kaso a graft kontra ken ni Guo ngem naiyakar daytoy idiay Valenzuela.
Ti complainant ket inpila ti Department of the Interior and Local Government (DILG) no sadino nga inakusaran ti ahensia ni Guo a nag-facilitate tapno makaala ti permit to operate ti Philippine Offshore Gaming Operators wenno POGO firm a Hongsheng Gaming Technology manipud iti Munisipalidad ti Bamban, Tarlac.
Immuna a nara-ut ti Hongsheng dagiti autoridad idi Pebrero 1, 2023 gapu ta nairaman daytoy iti cryptocurrency investment scam.
Kalpasan a na-raid ti POGO firm, binaliwan da ti naganna iti Zun Yuan Technology a nagbayad iti sanikua a kukua ti Baofu Corporation no sadinno nga adda investment ni Guo iti daytoy.
Kagiddan iti daytoy, inlawlawag ni Guo nga in-divest-na amin a shares-na iti nadakamat a real estate company idi nangabak kas mayor ti Bamban iti 2022 elections.
Idi napan a Marso 2024, na-raid dagiti autoridad ti Zun Yuan Technology gapu iti naipadamag a human trafficking nga isaysayangkat ti kompania no sadinno a nasurok nga 400 a ganggannaet nga empleado ti naispal.
