LAOAG CITY – Dakkel ti tsansa dagiti agkalikagum nga agkasar a magun-od ti dream wedding-da gapu iti naisangsangayan nga Alisto I Do Wedding Expo nga opisialen a nalukatan iti publiko.
Segun ken ni Ms. Janet Retamal, ti City Population Commission a daytoy ket kas paset ti maiyuswat nga Alisto I Do.
Ti nasao a wedding expo ket masarakan iti Laoag City Multi-Purpose Hall no sadinno a naitampok iti agkakapintas a wedding gowns, barong, pastries, wenno wedding organizers.
Daytoy ket nalukatan idi kalman, Setiembre 22 agingga intono Setiembre 24.
Mainaig iti daytoy, magutgutigot dagiti amin nga agkalikagum nga agkasar a gundawayan iti nasao nga aktibidad gapu ta adda pay dagiti naidiaya a diskuento iti napintas a kalidad ti panagkasar.
Kabayatanna, maiyuswat intono bigat ti panagkallaysa dagiti nanggundaway iti Alisto Wedding iti lokal a gobierno iti La Paz Fish Port,
