LAOAG CITY – Maisayangkat ti “Alisto I Do” wenno libre a panagkasar ditoy ciudad ti Laoag intono Setyembre ita a tawen.
Daytoyen ti maikadwa a gundaway nga adda ti libre a panagkasar nga ipaay ti gobierno lokal ditoy ciudad ti Laoag iti babaen ti liderato ni Mayor James Bryan Alcid.
Inbatad ni Mrs. Janet Retamal, ti mangidadaulo iti iti Commission on Population and Development ditoy ciudad ti Laoag, amin dagiti manggundaway iti libre a panagkasar ket maipaayan ti libre a singsing, cake ken dadduma pay a kasapulan iti panagkallaysa da.
Kuna na a ti target da a bilang dagiti maipaayan ti libre a panagkasar ket 50 couples, nangatngato no ikompara iti napalabas a tawen a 30 laeng tapno ad-ado dagiti matulungan ti gobierno lokal ditoy ciudad.
Inpakaammo ni Retamal nga agtultuloy ti panagawat da kadagiti mangayat a manggundaway iti mass wedding gapu ta adda pay ti nabati nga slot kadagitoy a gundaway.
