LAOAG CITY – Naragsak nga impakaammo ni Mayor James Bryan Alcid ti balligi a pannakaiyuswat ti Alistolympics ditoy siudad ti Laoag.
Daytoy ket nakipagpasetan dagiti empeleado ti lokal a gobierno iti siudad.
Segun ken ni Alcid, iti baet ti kinaado a trabaho dagiti empleado ket nasken laeng a maaddaan dagitoy ti wellness break.
Kunana a daytoy ti gundaway tapno maipakita da ti nadumaduma a talento-da a pakairamanan ti panag-ehersisio ken panagay-ayamdaa ti nagduduma nga sports kas iti shatong, scrabble, volleyball, basketball, ken dadduma pay.
Innayonna a gagemna ti pannakaipatungpal ti work and life balance kadagiti empleado para iti nasalun-at ken nasaysayaat a panangipaayda ti serbisio iti siudad.
