LAOAG CITY – Manamnama a maawat dagiti iskolar ti probinsia ti stipend da para iti kallabes a bulan ti Nobiembre ken Disiembre intono bigat ti domingo Enero beinte, aldaw ti Domingo.
Maibilang ditoy dagiti Sirib Academic Scholars, Sirib Young Leaders Scholars ken Sirib Community Leaders Scholars.
Segun ken ni Mrs. Matilde Nery, mangidadaulo ti provincial education office, manamnama a ti chairman ti committee on education ti mangidaulo iti daytoy nga aktibidad.
Impalgakna a ti aldaw ti sabado wenno domingo ti masansan a pannakaipaay ti stipend dagiti maseknan tapno saan a maapektaran ti panagbasa da.
Impasingked na a maigiddan a maited ti stipend dagiti karaman iti maikadua a bansada ti senior high school scholarship program.
Innayon na nga uppat a gasut sangapulo ket maysa dagiti benepisiario ti maikadua a bansada iti nadakamat a baro nga scholarship program ti probinsia.
