LAOAG CITY – Saan a patien ni Mr. Bismark Quidang Pres. ti Alumni Associton ti MMSU kameng ti Board of Regents ken maysa kadagiti kameng ti Selection Committee iti panakapili ti baro a Presidente ti nasao a Unibersidad ti alegasyon a sinerrek ti pulitika ti pannakapili ti baro a Presidente a ni Dr. Shirly Agrupis , biology professor ken dati a director ti Office of External Affairs and Partnerships.
Kuna na a kasano koma a serken ti pulitika ti panakapili ti baro a Presidente ket dagiti miyembros na ket nagtatakneng kas kadagiti Mrs. Mary Ang ken Judge Pobre a nangibagi iti private sektor ken ada pay naggapu iti faculty.
Inadmitir ni Quidang nga adda da saan a nakaatendar a miyembro ti Committee kas iti Senado ni Sen. Chiz Escudero nga imbagian ni Vocal Rea Fariñas ken iti Kamara nga inbagian ni Ms Camille Fariñas.
Kuna ni Quidang “únfair” para kadakuada a nangpili ken kasta met iti napili a Presidente ti MMSU ti rumrumuar ita nga alegasyon….voice clip..cue out..local members of the board…
Maipalagip a nagun-od ni Agrupis ti aglaplapunasan a botos a 7 kadagupan iti 11 a bilang dagiti miyembros ti Committee manipud kadagiti kinabalubal na a da Dr. Carmelo J. Esteban, dati a dean ti College of Agriculture, Food, and Sustainable Development and Graduate School, Atty. Ramon A. Leaño, vice president for administration and business, Dr. Joselito L. Lolinco, dean ti Graduate School ken Dr. Ricardo S. Guanzon, medical officer ti Mariano Marcos Memorial Hospital and Medical Center.
