LAOAG CITY – Balligi a naarestar ti TOP 4 most wanted person ditoy probinsya babaen iti nagtipon a pwersa ti PNP-Laoag ken ti National Bureau of Investigation.
Nabigbig ti akusado a ni Richard Ancheta y Capet, agtawen ti 49 ken residente iti Brgy. 44-Zamboanga ditoy siudad ngem agdama nga agnanaed iti Brgy. 10.
Naiserbi iti akusado ti warrant of arrest nga inteynag ni Presiding judge Hon. Myra Shiela Marders Nalupta iti RTC branch 65 ditoy siudad ti Laoag ken naiparuk-at idi Enero 19 ita a tawen gapu iti kaso a parricide with the use of loosef firearms.
Nagtalinaed ti kustodyar ti NBI ti akusado ken awan met ti nairekomendar a piyansa daytoy.
Maipalagip a pinaltu-paltugan ti akusado ti bukod na nga anak ani Chris John Ancheta iti mismo a pagtaengan da itay napalabas a tawen.
Immunan a temporaryo a nagpakustodyar ti akusado iti NBI gapu ta adda dagiti mangkaskasarita kenkuana nga agpampammarang a personnel ti nasao nga ahensya agingga naan-anay a naiparuk-at ti warrant of arrest na para iti pormal a pannakaarestar na.
