LAOAG CITY – Natay ti maysa nga ama kalpasan a nagbekkel iti Brgy. 55-A, Barit ditoy siudad ti Laoag.
Ti biktima ket agtawen ti 49, naasawaan, driver ken residente iti nasao met laeng a barangay.
Basar iti imbestigasion ti Laoag City Police Station, nakita ti ama ti biktima a nakabitinen iti paset ti kusina iti pagtaenganda.
Gapu iti daytoy, insigida a napan nagpaarayat ti ama ti biktima iti karrubada tapno maibaba ti biktima.
Mainaig iti daytoy, rumrummuar nga adda ti depresyon ti biktima kalpasan a pinanawan isuna ti asawa ken annakna nga addan ti dua a bulanen ti napalabas.
Kabayatanna, mamati ti pamilia ti biktima nga awan ti napasamak a foul play iti napasamak nga insidente.
