LAOAG CITY – Natay ti maysa nga ama nga agtawen ti 30 kalpasan a nagbekkel iti ili ti Badoc.
Segun kadagiti otoridad, nagturong ti asawa ti biktima iti pasado a alas-otso ti bigat idi kalman iti pagtaengan ti lola na ngem saan na a malukatan ti ridaw.
Idi ta simmirip iti tawa iti pagtaengan ket dita a nakita na ti asawa na a nakabitin daytoy.
Iti imbestigasyon dagiti otoridad, naginom ti biktima ti nasanger idi rabii ken nagipeksa ti karirikna na iti manong daytoy.
Rumrumwar nga adda ti maipagarup a sakit ti nakem na iti miembro ti pamilya da.
Basar kadagiti otoridad, arig a kanayon a maungtan wenno maipagarup a pagtaltalawen ti lola da gapu ta awanen ti serbi na iti lugar da rason a naginom ti biktima, nagwalwala agingga a nakita da laengen a nagbekkel daytoy.
