LAOAG CITY – Kinumpirmaran ni PLt. Col. Randy Baoit, pannakangiwat ti INNPO a maysa nga ama iti ili ti Banna ti nagpakamatay iti mismo a sangoanan ti menor de edad nga anakna.
Inbatad na a daytoy ket babaen iti pannangbagsol na iti tengged na usar ti kutsilyo.
Segun ken ni Baoit, posible a makapaspasar ti depresyon ti biktima gapu ta rumrumuar nga ado ti utang na.
Innayun na a ti asawa daytoy ket adda iti ballasiw taaw ken maipagarup nga awan ti maipaw-it na a kwarta ken saan a makaawid ditoy pagilyan gapu iti pandemiya.
Mainaig iti daytoy, kuna ni Baoit nga adda pay dagiti gundaway a mapukpukaw ti biktima ti nasayaat a panagpanpanunot na.
Iti agdama ket maiyus-uswat ti naun-uneg nga imbestigasyon seknan iti nasao nga insidente.
