LAOAG CITY – Nagpaputok ti paltog ti maysa nga ama a ni Mr. Jesus Galiza a maysa a retirado nga Air Force kalpasan a ginandat a dangran isuna ti bukudna nga anak nga agtawen ti 47 iti Barangay Cabusligan iti ili ti Bacarra.
Segun kenkuana, napilitan laeng daytoy nga agpaputok ti paltog gapu ta kinamat isuna ti anakna tapno pang-oren.
Inbatadna a nabayagen nga adda ti saanda a panagkinnaawatan ti kakaisuna nga anakna sipod idi natay ti asawana.
Inlawlawagna a pabpabasolen isuna ti anakna no apay a natay ti inana.
Mainaig iti daytoy, inpettengna a ti pagpaputokna ti paltog ket tapno mabuteng ken umadayo ti anakna.
Kabayatanna, naammoan a calibre 45 a paltog ti nausar iti insidente.
