LAOAG CITY – Agpapan ita ket awan pay ti poot ti maysa nga ama kalpasan a binagkong ti bukod na nga anak idiay Barangay 55-B, Salet ditoy ciudad ti Laoag.
Nabigbig ti biktima a ni Martin Calaro, 51, naasawaan, karpintero idinto a ti suspek nga anak na ket ni Marlon Natividad Agnir, agtawen ti 28, baro ken agpada a residente ti nasao a barangay.
Iti imbestigasyon, nakainom ti nasanger ti suspek idi nagriri da iti ama na a nangitunda ti panangbagkong na ti buksit ti nasao a biktima.
Naitaraya ti biktima iti Governor Roque Ablan Senior Memorial Hospital ditoy ciudad ti Laoag ngem naiyakar ti Mariano Marcos Memorial Hospital and Medical Center idiay ciudad ti Batac.
Iti agdama, nakabaluden ti suspek iti PNP ditoy ciudad ti Laoag ken maisagsaganan ti kaso a maipila kontra kenkuana.
