LAOAG CITY – Ti amag iti tinapay wenno molds ket maysa a fungus a tumubtubo no adda iti nabara wenno nabasa a lugar a pangikabkabilan ti tinapay.
Adda ti dua a klase ti amag, maysa ti makasabidong ken saan a makasabidong.
Makasabidong ti amag gapu ta makapasar ti panag-vomit ken dagiti sumagmamano a kaso ket mabalin a makaapektar iti nervous system idinto a ti maysa ket agas wenno tradisional nga agas.
No bilang nabangsit ket saanen a mabalin a kanen tapno maliklikan ti sumagmamano a sakit a mapasaran.
Saan nga ikabil iti risgo ti bagi gapu iti amag. Adu ti tinapay a mabalin nga ipauneg ken natalged pay daytoy iti bagi.
Kabayatanna, tapno maliklikan ti amag ti tinapay ket ikabil daytoy iti nadalos a pakaikabilan, siguradoen a selyado a naimbag ti tinapay ken saan a mapudpudotan wenno nabasa iti aglawlaw daytoy.
