LAOAG CITY – Masapol nga agbalin a naannad dagiti Pilipino iti Estados Unidos iti aniaman a mapasamak kalpasan ti iraraot dagiti pwersa ti Amerika iti tallo a nuclear sites ti Iran.
Daytoy ti inbatad ni Philippine Ambassador to the US Jose Manuel Romualdez.
Iti interview ken ni Romualdez, inpetteng na a ti nagbalin nga addang ti Estados Unidos ket “nakaserseryoso” gapu ta daytoy ti kaunaan nga inusar ti Amerika ti “espesyal a bomba” na kontra iti sabali a pagilian.
Gapu iti daytoy, nagpanawagan ti ambassador kadagiti Pilipino iti Estados Unidos nga agalerto ket suruten da amin nga ibalakad dagiti local officials.
Immunan nga inrakurak ti Department of Foreign Affairs (DFA) maalarma ti Pilipinas gapu ta ado dagiti kadaraan nga agtrabtrabaho iti Middle East.
