LAOAG CITY – Kinumpirmaran ti White House a winaya-wayaanen ti Russia ti American teacher ti inbalodda a ni Marc Fogel.
Inbatad ni national security adviser Mike Waltz a naaddaan ti koneksion ni Steve Witkoff ti maysa nga advisor ni United States President Donald Trump kadagiti opisial ti Russia para iti pannakawaya-waya ken ni Fogel.
Naammoan a ni Fogel ket naarestar idi Agosto 2021 iti eropuerto iti Moscow kalpasan a naalaan ti maipagarup a cannabis.
Depensa ti kampo daytoy nga inreseta ti doktorna ti cannabis kas agas iti panagsakit ti spine daytoy.
Agarup 10 a tawen daytoy a nangisuro iti Anglo-American School iti Moscow ni Fogel no sadinno dagiti estudiante daytoy ket annak dagiti United States diplomats.
Iti agdama, agawid daytoyen ken sinukon ti nangato nga opisial ti White House.
