LAOAG CITY – Inbatad ni Police Col. Julius Suriben, ti Provincial Director ti Ilocos Norte Police Provincial Office nga amin a reklamo mainaig iti vote buying ket naasikaso amin.
Segun kenni Suriben, adda ti napilaan ti reklamo seknan iti vote buying iti ili ti Piddig ken ditoy ciudad ti Laoag.
Kunana nga ado dagiti kasapulan a dokumento nga isagana ken dagiti ebidensya a kolektaren nga isu ti mangsuporta iti alegasyon a vote buying.
Inlawlawag na a manarimaan met ti imbestigasyon kadagiti dadduma a naipadanon a reklamo iti pulisya.
Mainaig iti daytoy, ginutigot ni Suriben nga ipadanon da a dagis iti opisina ti pulisya dagiti amin a reklamo seknan iti vote buying.
Inpakammo ni Suriben nga agtultuloy pay laeng ti kaso seknan iti vote buying a maipagarop a napasamak iti napalabas nga eleksyon ken dimmanon pay iti Court of Appeals.
Kabayatanna, inbatad ni Police. Brig. General John Tayaban Chua, ti Regional Director ti Regional Office ti pulisya a natalna met ti intero a rehiyon iti kaaldawan ti eleksyon.
Dinakamat na nga awan met dagiti nakaro a reports pakaseknan iti eleksyon.
