LAOAG CITY – Amin a sobra ket dakes kas maibasar iti masansan a pagsasao kas ti sobra unay a pannangan ken sobra ti kadakkel ti bagi no mabaybay-an.
No ehersisio ti pagsasaritaan, makaperdi daytoy iti bagi no sobra ti panagpakuttong ken panag-jogging a ti resultana ket agsakit ti bagi.
Aggurigor agingga a saan a makasubli iti gym gapu iti nasakit a bagbagi ket kasapulan nga umuna nga umimbag.
Maysa kadagiti marikna ket ti panagpiskel. No agehersisio, no aglablabeska ket makapadas iti skeletal muscle cell rupture wenno “rhabdomyolysis” a no mapisang dagiti selula ti piskel ket mangpataod iti panagayus ti dara nga addaan iti electrolytes, potassium ken protina. Kayatna a saoen, mapukaw ti sustansia iti tulang ken napeggad no agwaras iti intero a bagi.
Mabalin a pakaigapuan ti pannakadangran ti piskel ket training stress. Masansan a makarikna dagiti umaayam iti nakaro nga ut-ot ti piskel, panagulaw, panagisbo ken dadduma pay no mabaybay-an.
Napeggad met ti pudot, dehydration wenno overhydration, adu unay ti panaginom iti kape, kurang a pannangan kadagiti nateng ken taraon a napnoan iti protina.
Kabayatanna, masapol a maaramid daytoy iti umno a balanse tapno saan a makigtot ti bagi gapu ta dakes unay ti sobra.
