LAOAG CITY – Dinayaw ti Amir ti Qatar a ni Sheikh Tamim Bin Hamad Al Thani ti epektibo a kontribusyon dagiti Pilipino iti progreso ken panagdur-as ti Qatar.
Inaramid daytoy ti lider ti Qatar bayat ti naiyuswat a bilateral meeting iti nagbaetan da ken ni Presidente Ferdinand Marcos Jr.
Segun iti Qatari lider, ti Pilipinas ket ibilang da a napateg a partner iti nagduduma a sektor.
Inpetteng ti Amir ti Qatar nga ad-adda pay a mapapigsa ti relasyon ti dua a pagilyan iti babaen ti napaigetan a komunikasyon da ken uray iti pribado a sektor.
Iti met biang ni Presidente Ferdinand Marcos Jr, maati daytoy a mangilukat ti ado nga oportunidad ken ad-adda pay nga agbalin a natalged ti kolaborasyon iti commercial level, government-to-government level ken people to people level.
Maymaysa ti common interest ti Pilipinas ken Qatar iti international ken multilateral organizations.
Ti Qatar ket agserserbi a maikadwa a pagtaengan ti agarop 250 a ribo a Pilipino.
Basar iti datos idi 2022, ti remittances dagiti Overseas Filipino Workers idiay Qatar nagturong iti Pilipinas ket umabot iti $895.33 million.
