LAOAG CITY –Naan-anay a naaprobaran ti amnesty ordinance ditoy ciudad ti Laoag.
Daytoy ket kalpasan nga awan ti nagbalin a sungbat ti Higher Sangguniang iti nasao nga ordinansa inggana a nag-lapse daytoy iti 30 nga aldaw.
Gapu iti daytoy ket nangrugi idi Mayo 30, 2024 ti 60 nga aldaw a mabalin nga agaplikar ti amnesty dagiti addaan ti prangkisa a nag-expire, na-revoke ken nailako.
Mainaig iti daytoy, ti amnesty ordinance ket inpasa ti Sangguniang Panlungsod babaen ti initiatibo ni Konsehal Bryan Alcid, Chairman ti Committee on Transportation gapu iti kalikagomna a maurnos dagiti bilang dagiti addaan ti prangkisa, makita dagiti addaan ti motorsiklo ken awan, pakairamanan dagiti interesado ken saan tapno maamwan no masapol a manayonan pay ti slot ti prangkisa kadagiti sumagmamano a barangay.
Maipalagip a temporaryo a naisardeng ti panag-akseptar iti ciudad kadagiti aplikante ti prangkisa gapu iti daytoy.
